28Փետրվար

Մեկնարկել են մնկանման կրծողների դեմ պայքարի մոնիթորինգի աշխատանքները

2022 թվականի փետրվարի 16-ից  մեկնարկել են ՀՀ ԷՆ «Գյուղատնտեսական ծառայությունների կենտրոն» ՊՈԱԿ-ի կողմից  հանրապետության ցածրադիր և նախալեռնային գոտիներում իրականացվող  մնկանման կրծողների մոնիթորինգի աշխատանքները։ Արդեն իսկ  ուսումնասիրություններ են  կատարվել Արագածոտնի և Լոռու մարզերում։ Ուսումնասիրության արդյունքները ցույց են տվել, որ ցածր վարակվածությամբ են աչքի ընկել բոլոր այն համայնքների հողերը, որտեղ մկնանման կրծողների դեմ պայքարի շրջանակներում տարվել են աշխատանքներ։ Եվ, համապատասխանաբար, վարակվածության  միջին և բարձր աստիճան է գրանցվել այն հողատարածքներում, որտեղ մկնանման կրծողների դեմ պայքար չի իրականացվել։

Հիշեցնենք՝ ՊՈԱԿ-ն իր գործառույթների շրջանակներում պարբերաբար իրականացնում  է  հանրապետության գյուղատնտեսական նշանակության հողատեսքերի բուսասանիտարական վիճակի գնահատման, բույսերի վնասակար օրգանիզմների, ինչպես նաև բազմամյա տնկարկների հիմնական վնասատուների ու հիվանդությունների, բանջարաբոստանային   հացահատիկային մշակաբույսերի հիմնական  վնասատուների ու հիվանդությունների հայտնաբերման, հաշվառման, տարածման արեալների և վնասարարության տնտեսական շեմերի ճշտման, պայքարի ճիշտ ժամկետների վերաբերյալ ահազանգման, տարածման և կանխարգելման աշխատանքներ։