19Հունվար

Դասընթաց-քննարկում «Գյուղատնտեսական ծառայությունների կենտրոն» ՊՈԱԿ-ում

«Գյուղատնտեսական ծառայությունների կենտրոն» պետական ոչ առևտրային կազմակերպության անասնաբուժության և համարակալման բաժնի մասնագետները հունվարի 18-ին մասնակցել են դասընթաց-քննարկմանը, որը վարել է  «Аni-pas» ծրագրի ճարտարապետ Միքայել Ավագյանը։

  Արդեն իսկ մեկնարկել է   ՀՀ 2022 պետական բյուջեի միջոցներով իրականացվող    կենդանիների հաշվառման և համարակալման «Аni-pas» ծրագիրը, որի շրջանակներում կստեղծվի  էլեկտրոնային շտեմարան։ Շտեմարանը ներառելու է  հանրապետության բոլոր տարածաշրջանների խոշոր եղջերավոր կենդանիների համարակալման ու հաշվառման  տվյալները։

Վերոնշյալ ծրագիրը  հանրապետության մարզերում տեղայնացնելու նպատակով ՊՈԱԿ-ի անասնաբուժության և համարակալման բաժնի մասնագետներից  ձևավորված  մասնագիտական խմբի  անդամներն էլ համապատասխանաբար իրականացնելու են տարածաշրջանային   անասնաբույժների ու համարակալողների  ուսուցումը։