Ավարտվել են «Կենդանիների պատվաստող» ծրագրի հերթական դասընթացները
Ավարտվել են Հայաստանի Հանրապետության էկոնոմիկայի նախարարության, «Գյուղատնտեսական ծառայությունների կենտրոն» պետական ոչ առևտրային կազմակերպության և «Հայաստանի ազգային ագրարային համալսարան» հիմնադրամի միջև կնքված եռակողմ պայմանագրով իրականացվող «Կենդանիների պատվաստող» (վակցինատոր) ծրագրի հերթական՝ թվով 8-րդ վերապատրաստման դասընթացները։
Դասընթացներին մասնակցած 12 քաղաքացիներից քննական փուլը հաղաթահարել է 11 հոգի՝ ՀՀ ԷՆ «Գյուղատնտեսական ծառայությունների կենտրոն» ՊՈԱԿ-ի հետ կնքվելիք պայմանագրի համաձայն հնարավորություն ստանալով անասնաբուժական ծառայություններ մատուցել իրենց տարածաշրջաններում։
Այսօր ՀՀ ԷՆ «Գյուղատնտեսական ծառայությունների կենտրոն» ՊՈԱԿ-ի տնօրեն Գառնիկ Հովհաննիսյանն ու Հայաստանի ազգային ագրարային համալսարանի բժշկագիտության և անասնաբուծության ֆակուլտետի դեկան ա.գ.թ, դոցենտ Արևիկ Աբովյանը հավաստագրեր են հանձնել դասընթացի ավարտական փուլը հաղթահարած մասնակիցներին՝ նրանց մաղթելով բեղմնավոր գործունեություն։
Հիշեցնենք՝ ծրագիրը շարունակական է։
ՀՀ ԷՆ ԳՅՈՒՂԱՏՆՏԵՍԱԿԱՆ ԾԱՌԱՅՈՒԹՅՈՒՆՆԵՐԻ ԿԵՆՏՐՈՆ ՊՈԱԿ
Բոլոր իրավունքները պաշտպանված են։ 2020 ՀՀ ԷՆ ԳԾԿ ՊՈԱԿ / eSOFT