News

10Մայիս

«Գյուղատնտեսական ծառայությունների կենտրոն» ՊՈԱԿ-ը նախազգուշացնում է

«Գյուղատնտեսական ծառայությունների կենտրոն» ՊՈԱԿ-ը նախազգուշացնում է՝ ներկայիս եղանակային պայմանները բարենպաստ միջավայր են ստեղծում կորիզավոր պտղատու ծառատեսակների՝ ծակոտկեն բծավորությամբ վարակվելու համար և ծառատեսակների վարակվածությունից խուսափելու համար առաջարկում ձեռնարկել համապատասխան միջոցներ։

Նախ և առաջ հարկավոր է իմանալ՝ կորիզավոր ծառատեսակների ծակոտկեն բծավորության (հարցուցիչը՝ Stigmina carpophila (Lév.) M.B. Ellis) հիվանդությամբ վարակվում են կորիզավոր պտղատու բոլոր ծառատեսակները՝ ծիրանենի, դեղձենի, սալորենի, կեռասենի, բալենի, նշենի և այլն։ Վարակվում են ծառերի վերերկրյա օրգանները՝ տերևները, շիվերը, պտուղները, բողբոջներն ու ծաղիկները:

Կորիզավորների ծակոտկեն բծավորության հարուցիչ սունկը ձմեռում է տերևաբողբոջներում և ծաղկաբողբոջներում, շիվերի վրա՝ փոքր խոցերում և խեժում, ինչպես նաև բուսական մնացորդների վրա (թափված տերևներ, պտուղներ)։

Գարնանը ձևավորվում է անսեռ սպորների (կոնիդիումների) մեծ քանակություն։ Դրանք անձրևի, քամու միջոցով կամ անձրևացմամբ ոռոգման ժամանակ տա րածվում են՝ վարակելով նոր բողբոջներ, տերևներ ու պտուղներ: Բողբոջների և ճյուղերի վրայի խոցերում 23 տարի շարունակ կարող են առաջանալ նորանոր սպորներ:

Վարակի համար նպաստավոր են ցածր ջերմաստիճանը և օդի բարձր հարաբերական խոնավությունը։

Ավելացնենք՝ սրսկումներ իրականացնելուց առաջ անհրաժեշտ է մշտապես հետևել թունաքիմիկատների փաթեթների վրա զետեղված օգտագործման չափաքանակի, կիրառման եղանակի, կրկնողությունների առավելագույն թվի, սպասման ժամկետների, ինչպես նաև անվտանգության կանոնների վերաբերյալ հրահանգներին։

Սրսկումների չափաքանակներն, ըստ ծառատեսակների, ստորև.

Պատրաստուկի առևտ րային անվանումը, պատրաստուկային ձևը, ազդող նյութը և դրա քանակությունը	Մշակա բույսը	Չափաքա նակը, լ/հա, կգ/հա	Կիրառման եղա նակը, ժամկետը, աշխատանքային լուծույթի ծախսը	Սպասման ժամկետը, օր (մշակումների առավելագույն քանակը)
Դինօքս ԹՓ, պղնձի սուլֆատ + կալցիումի հիդ‑ րօքսիդ, 200 գ/կգ	Կորիզավոր պտղատուներ	8‑16	Սրսկում ուշ աշնանը, 800‑1000 լ/հա	– (1)
Խելպ ԽՓ, պղնձի հիդրօք‑ սիդ, 500 գ/կգ	Կորիզավոր պտղատեսակներ	2‑4	Սրսկում վեգետա‑ ցիայի ընթացքում, 800‑1200 լ/հա. առա‑ ջին սրսկումը՝ նա‑ խազգուշական, երկ‑ րորդը՝ 7‑10 օր անց	30 (2)
Կոսայդ 2000 ՋԼՀ, պղնձի հիդրօքսիդ, 538 գ/կգ	Կորիզավոր պտղատեսակներ	5‑8	Սրսկում վեգետա‑ ցիայի ընթացքում, 800‑1200 լ/հա	20 (2)
Կուպերվալ ԹՓ, պղնձի սուլֆատ+կալցիումի հիդ‑ րօքսիդ, 200 գ/կգ	Կորիզավոր պտղատեսակներ	12‑20	Սրսկում ուշ աշնանը կամ վաղ գարնանը, 800‑1200 լ/հա	25 (1)
Տոպազ ԽԷ, պենկոնազոլ, 100 գ/լ	Ծիրանենի, դեղձենի	0,4‑0,5	Սրսկում վեգետա‑ ցիայի ընթացքում, 800‑1200 լ/հա	20 (4)
Խորուս ՋԴՀ, ցիպրոդինիլ, 750 գ/կգ	Կորիզավոր պտղատեսակներ	0,35	Սրսկում վեգետա‑ ցիայի ընթացքում, 800‑1200 լ/հա	14 (2)