13Մայիս

Բույսերի պաշտպանության օրվան նվիրված միջոցառումներ են կայացել

Մայիսի 12֊ին «Գյուղատնտեսական ծառայությունների կենտրոն» ՊՈԱԿ֊ի տնօրեն Գառնիկ  Հովհաննիսյանը  մասնակցել է Հայաստանի ազգային ագրարային համալսարանում Բույսերի պաշտպանության  օրվա առթիվ կազմակերպված միջոցառումներին։

Մասնավորապես, այստեղ մայիսի 12-ին  հրավիրված կլոր սեղանի ընթացքում  Հ ՀՀ սննդամթերքի անվտանգության վարչության բուսասանիտարիայի բաժնի պետ Արթուր Պետրոսյանը, ՀՀ  տեսչական մարմնի ղեկավարությունն ու ԲՈՒՀ-ի պրոֆեսորադասախոսական կազմը  ունեցել են կրթությանն ու գիտությանը, գիտական հաստատությունների  դերին վերաբերող քննարկումներ։  Հրավիրվել է  «Առողջ բույս՝ առողջ մոլորակ» կարգախոսը կրող  համաժողով, որին մասնակցել են  նաև  ոլորտի մասնագետներ, ՍԱՏՄ-ի, միջազգային կառույցների, ոսումնական-գիտական համայնքի, հասարակական կազմակերպությունների ու  մասնավոր ոլորտի ներկայացուցիչներ։

Ի դեպ, այս առումով վերջին տարիներն ՀԱԱՀ-ի կողմից հսկայական աշխատանքներ են տարվել նոր լաբորատորիաների ու  ջերմոցների հիմնման ուղղությամբ։

Մայիսի  13-ին, Բույսերի պաշտպանության օրվա առթիվ,   կազմակերպության տնօրեն Գառնիկ Հովհաննիսյանը ոլորտի մի շարք ներկայացուցիչների պատվոգրեր է հանձնել՝  բարեխիղճ ու ամենօրյա նվիրված աշխատանքի համար։